Nikolo Barela ka vlerësuar performnacën e Interit dhe ka shpjeguar stimulin e marrë nga stadiumi dhe përgjegjësinë e fanellës. “Frozinone ka bërë një nisje të rëndësishme të kampionatit dhe ka fituar respektin e të gjithëve.
E ka treguar këtë edhe gjatë ndeshjes së sotme, e kanë nisur shumë mirë. Për ne është e mrekullueshme të luajmë në shtëpi, kemi tifozët që na shtyjnë gjithmonë të bëjmë mirë, por e dinim edhe që skuadrat e vogla janë të rrezikshme në stadiume të tilla pasi motivohen edhe më shumë. Ne u përqendruam në maksimum për të marrë në shtëpi fitoren që na duhej dhe kemi gjithmonë një stimul ekstra për të ruajtur vendin e parë.
Duhet ta fitonim për të shkuar të qetë në pauzën e kombëtareve dhe ashtu bëmë. Përgjegjësia ime? Unë ndjej gjithmonë dhe e kam ndjerë edhe kur kam qenë më i ri, nuk është e nevojshme të jesh veteran për ta ndjerë atë. Shpresoj të zhbllokoj veten së shpejti dhe t’i jap ndihmën time skuadrës”, u shpreh Barela.
PANORAMASPORT.AL
