Përveç transferimit të një sulmuesi dhe një qendërmbrojtësi, Milan ka filluar që tani lëvizjet e para për të forcuar mesfushën për sezonin e ardhshëm. Quotidiano Nazionale zbulon se klubi kuqezi ka nisur përpjekjet e para për një transferim të Scot McTominay në verën e ardhshme.
Skocezi shihet nga klubi kuqezi si lojtari ideal për të krijuar një dyshe ëndrrash në mesfushë, bashkë me Adrien Rabiot. McTominay është nën kontratë me Napolin deri në vitin 2028, por mudn të largohet verën e ardhshme për shkak se ambiciet e klubit napolitan nuk përputhen më me ambiciet e tij personale.
Për të bindur McTominay, Milan duhet t’i ofrojë atij së pari një projekt ambicioz dhe së dyti një rrogë më të madhe se ajo që merr aktualisht te Napoli, që është 3.5 milionë euro. Në anën tjetër, për të bindur Napolin, Milan duhet të përgatisë një ofertë jo më pak se 40 milionë euro.