Shkëmbim spektakolar, Morata rikthehet në Serie A.
Alvaro Morata rikthehet në Serie A.
Sulmuesi i Atletico Madrid, Alvaro Morata, është njëri nga lojtarët më të përfolur këtë merkato, pasiqë është i lidhur me një rikthim në Itali.
Morata ishte i lidhur me Milanin, Romën, Interin dhe së fundmi me Juventusin. Spanjollit i skadon kontrata me Atleticon verën e ardhshme.
Calcio Mercato, ka lëshuar një lajm bombastik duke shkruar se Juventus dhe Atletico Madrid kanë gati super shkëmbimin.
Sipas Calcio Mercato, Juventus ia ka ofruar Atleticos kartonin e Filip Kostic në këmbim të Moratas.
Madrilenët janë të hapur për këtë shkëmbim dhe marrëveshja pritet të arrihet deri në fund të merkatos.
