Ajo e Real Madridit do të mbetet në histori si një nga fushatat verore të merkatos më të bujshme të dekadave të fundit, megjithatë trajneri i “Los Blancos”, José Mourinho, duket se ende nuk është plotësisht i kënaqur me skuadrën që ka në dispozicion.
Pas ndeshjes miqësore kundër Ferencvaros, “Special One” u shpreh: “Një Bernardo Silva nuk mjafton, kemi nevojë të paktën edhe për një tjetër lojtar si ai, i aftë të luajë në disa pozicione në fushë”.
José Mourinho shtoi: “Bernardo është tipi i lojtarit që mund të luajë në 3 ose 4 pozicione dhe kjo është e shkëlqyer për çdo trajner. Sidomos pasi kemi një skuadër të vogël, me vetëm 20 lojtarë, për shkak të dëmtimeve. Dhe në një skuadër të vogël, na duhen lojtarë që mund të bëjnë atë që bën Bernardo”.
