Pas huazimit të suksesshëm në gjysmën e dytë të sezonit të kaluar te Lyon, Endrick është rikthyer te Real Madrid me shpresën për të qenë titullar. Ndërkohë, mediet spanjolle zbulojnë se Endrick gëzon besimin e plotë të Josë Mourinho-s dhe stafit të tij drejtues.
“The Special One” ka vendosur që tani që Endrick nuk do të luajë si qendërsulmues, por si sulmues i djathtë. Braziliani do të jetë në garë të fortë për një vend titullari me Brahim Diaz dhe Franco Mastantuono. Megjithëse, argjentinasi pritet të huazohet diku tjetër. Në atë krah luan edhe Rodrygo, por aktualisht është i dëmtuar dhe pritet të rikthehet në fund të këtij viti kalendarik.
Kështu që Endrick pasi të kthehet nga Botërori, do të provojë veten në një rol të ri te Real Madrid. Ideja e Mourinho-s për sulmin është e tillë: Kylian Mbappe në qendër, Vinicius Junior në krahun e majtë dhe Endrick në krahun e djathtë.
