Interi është në kërkim të një mbrojtësi dhe mediat italiane raportojnë se zikaltërit kanë arritur akordin me Bajernin për mbrojtësin Pavar. Megjithatë, transferimi ende nuk është kryer dhe lojtari vazhdon të jetë pjesë e skuadrës së Bajernit.
Ditën e djeshme, Pavar mungoi në stërvitje dhe u duk si një sinjal që gjërat kanë përfunduar, por sot mrbojtësi është shfaqur në kompleksin stërvitor. Ai ka kryer stërvitjen e plotë me skuadrën bavareze dhe duket se pretendimi i Bajernit, se lojtari ishte sëmurë, tashmë qëndron.
Pavar ka shprehur dëshirën për t’u larguar nga Bajerni dhe për të firmosur me Interin, e diçka të tillë e dëshmojnë edhe rrjetet sociale, ku veç Bajernit, mbrojtësi ndjek në “Instagram” edhe Interin dhe shumë lojtarë të tjerë zikaltër. Kalimi i tij pritet të ndodhë për 30 milionë euro sapo Bajerni të arrijë akordin me Totenhemin për Armel Bela Koçap.
PANORAMASPORT.AL
