Tensionet të larta në Nicë përpara ndeshjes së Europa League kundër Romës.
Pas trazirave të së martës në mbrëmje në qendër të qytetit dhe arrestimit të 102 personave, dy grupet e tifozëve u përleshën jashtë stadiumit pak para ndeshjes.
Ultrasit francezë sulmuan tifozët e Romës, duke hedhur objekte dhe shishe.
Policisë iu desh të ndërhynte me gaz lotsjellës për të parandaluar përleshje të mëtejshme dhe për të shpërndarë dy grupet e tifozëve.
Tensionet mbeten të larta jashtë stadiumit dhe shqetësimet mbeten për situatën pas ndeshjes.
