Napoli dhe Victor Osimhen kanë arritur marrëveshjen në lidhje me rinovimin e kontratës.
Mediat në Itali raportojnë se akordi final është arritur, dhe tani pritet vetëm firma mbi kontratën e re nga ana e bomberit nigerian.
Detajet e fundit janë zgjidhur gjatë takimit mes presidentit Aurelio De Laurentiis dhe agjentit Roberto Calenda. Kontrata aktuale, që i përfundon në 2025, do të zgjatet me një tjetër vit.
24-vjeçari aktualisht fiton rreth 4.5 mln euro në sezon, por do të shkojë në 10 milionë euro në sezon, duke e bërë më të paguarin në Seria A.
Sa i përket klauzolës, palët kanë rënë dakord që të jetë rreth 140 mln euro dhe të bëhet aktive në vitin 2024. Chelsea po ushtronte presion për të blerë nigerianin në janar.
