Turneu ndërkombëtar i tenisit “Peja Open 2026”, për grupmoshën U14, është përmbyllur me sukses në kompleksin sportiv “Arben Zeka” në Brestovik të Pejës.
Në këtë garë morën pjesë 56 tenistë nga 16 shtete evropiane, duke zhvilluar përballje interesante dhe me rivalitet të fortë. Pjesën më të madhe të rezultateve pozitive e siguruan tenistët e huaj, ndërsa garuesit vendas patën gjithashtu paraqitje të mira.
Ndër përfaqësueset vendore që spikatën ishin Hana Veseli dhe Anesa Ismajli, të cilat arritën deri në fazat e avancuara të garës në konkurrencën e çifteve. Dyshja kosovare zhvilloi një përballje dramatike, por në fund u mposht nga çifti nga Bosnja dhe Hercegovina.
“Peja Open 2026” u shërbeu tenistëve të rinj si një mundësi e mirë për të fituar përvojë dhe për të konkurruar në një nivel ndërkombëtar.
Pas përfundimit të kësaj gare, Peja do të jetë sërish nikoqire e dy turneve të tjera ndërkombëtare “World Tennis J30 Peja Open”, duke vazhduar kështu aktivitetet e rëndësishme të tenisit në vend.
