Presidenti aktual i Real Madridit, Florentino Perez, ka konfirmuar se Jose Mourinho do të rikthehet në stolin e skuadrës madrilene nëse ai fiton zgjedhjet presidenciale që do të mbahen të dielën.
Perez, i cili përballet me sipërmarrësin spanjoll Enrique Riquelme në zgjedhjet e para të kontestuara të klubit pas dy dekadash, publikoi një video në rrjetet sociale ku Mourinho shfaqej duke thënë vetëm: “Po!”.
Njoftimi vjen pas një sezoni zhgënjyes për Real Madridin, i cili nuk arriti të fitojë trofe të mëdhenj, ndërsa Barcelona siguroi titullin kampion për të dytin vit radhazi. Gjithashtu, madrilenët janë eliminuar në çerekfinale të Ligës së Kampionëve.
Nga ana tjetër, Riquelme ka premtuar se, nëse fiton zgjedhjet, do të tentojë transferimin e Rodri dhe Erling Haaland nga Manchester City, ndërsa legjenda e klubit Raul Gonzalez do të emërohej drejtor sportiv.
Mourinho e drejtoi Real Madridin nga viti 2010 deri më 2013, duke fituar një titull kampion në Spanjë dhe duke vendosur rekord pikësh në sezonin 2011/12. Pas largimit nga Chelsea FC në vitin 2015, ai fitoi trofe me Manchester United dhe AS Roma, ndërsa aktualisht është nën kontratë me Benfica deri në vitin 2027.
Perez beson se trajneri portugez mund t’i rikthejë disiplinën dhe mentalitetin fitues një skuadre që përfshin yje si Kylian Mbappe, Vinicius Junior dhe Jude Bellingham.
