Ndeshja e sotme mes Fiorentinës dhe Interit në Serinë A u ndërpre që në minutat e parë për shkak të situatës shëndetësore të Edoardo Bove të skuadrës vjollcë.
Lojtari pësoi kolpas në fushë duke dëshpëruar lojtarët e dy skuadrave që e panë atë teksa transportohej pa ndjenja jashtë impiantit për t’u dërguar në spital, teksa u vendos ndërprerja e më pas braktisja e ndeshjes pasi nuk kishte informacione për gjendjen e tij shëndetësore.
Gjendja e tij tashmë raportohet se është stabilizuar në spitalin e Firences, ku kishte shkuar pa ndjenja, edhe pse kryente frymëmarrjen pa asistencën e aparateve, në mënyrë autonome. Pas stabilizimit të parametrave, lojtari është përmendur dhe për momentin vlerësohet si jashtë rrezikut për jetën.
PANORAMASPORT.AL
