Përfaqësuesja e Kosovës i ka mbyllur me humbje kualifikimet për Kampionatin Evropian, duke pësuar nga Bjellorusia.
“Dardanët” u mposhtën 0:1 nga Bjellorusia, në stadiumin “Fadil Vokrri” në Prishtinë, shkruan lajmi.net.
Antilevskiy realizoi supergol për bjellorusët në minutën e 43-të e që në fund doli të ishte vendimtar për epilogun final të takimit.
Uebfaqja e specializuar e vlerësimeve, “SofaScore”, ka publikuar notat e futbollistëve të kësaj ndeshje.
Te Kosova me notën më të lart u vlerësua Muslija (7.2), ndërkaq me notën më të ulët u vlerësua Bernard Berisha (6.2).
Kosova me këtë humbje përfundon në pozitën e parafundit (5) me 11 pikë. Bjellorusia ngritet në vendin e katërt me 12 pikë.
Nga vendi i parë në Evropian shkon Rumania me 22 pikë të tubuara, ndërkaq e dyta është Zvicra me 17 të tilla./Lajmi.net/
