Trajneri i njohur kosovar, Ismet Munishi i ka komentuar Mirlind Dakut në një postim që ky i fundit e publikoi në llogarinë e tij në Facebook pas golit me Shqipërinë kundër Polonisë.
Munishi i komentoi sulmuesit duke ia treguar mënyrën se si e kishte mësuar më parë, shkruan lajmi.net.
“Qashtu qysh të kom mësu. Pranoje mirë edhe pyllja. Ta ha zemrën” – ishte komenti i Ismet Munishit.
Komentit të Munishit ia ktheu Daku me një figurë të zemrës.
Sulmuesi nga Gjilani, Mirlind Daku vite më parë ishte nën urdhrat e trajnerit Ismet Munishi sa ishte pjesë e futbollit të Kosovës.
Goli kundër Polonisë ishte i pari për Dakun me fanellën kuqezi, ndërkohë që ka regjistruar dy ndeshje zyrtare me Kombëtaren shqiptare./Lajmi.net/
