Ish-mesfushori i Barcelonës, Sevilla dhe kombëtares kroate, sot drejtues te Hajduk Split, Ivan Rakitic, foli në “La Repubblica” për Luka Modric dhe mënyrën si ai po bën diferencën ende në moshën 40-vjeçare në Serie A: “Shpresoj që të vazhdojë edhe 2-3 sezone. Te Milani kushtet janë të gjitha. Luka është i lumtur, klubi është i lumtur”.
Rakitic foli edhe për disa lojtarë kroatë në Serie A: “Jam fans i Pasalic, një ‘box to box’ i jashtëzakonshëm. Kemi Baturina te Como, që po rritet shumë. I duhej pak adaptim, në Zagreb ishte mbret. Në mbrojtje është Gvardiol, por talenti me më shumë perspektivë është Vuskovic, 19 vjeç te Hamburgu. Moro është një mesfushor modern dhe Bologna është një mundësi e madhe për të”.
Ai u shpreh edhe për favoritët. Në Champions favorizon PSG, ndërsa në Botëror përmendi Gjermaninë, Argjentinën, Spanjën dhe Francën, duke mos përjashtuar surprizat si Kroacia.
