Në një sondazh të fundit të Mundo Deportivo, 80% e tifozëve të Barcelonës kanë votuar për aktivizimin e Gabriel Jesus nga minuta e parë sonte kundër Galatasaray, për shkak të mungesës së Raphinha.
Në 5 ndeshje që është aktivizuar deri tani me Barcelonën, Gabriel Jesus ka shënuar 3 gola. Flick ka edhe opsione të tjera. Anthony Gordon ka qenë në formë të mirë së fundmi dhe trajneri gjerman mund të bëjë ndryshime në vijën e sulmit, duke i besuar një rol në krah lojtarëve si Fermin Lopez apo Karim Adeyemi. Egjiptiani Hamza Abdelkarim mbetet gjithashtu një opsion i rëndësishëm për sulmin, qoftë edhe si zëvendësues nga stoli.
Ekziston edhe mundësia e një ndryshimi taktik. Loja me një “numër nëntë fals” do t’i hapte rrugën aktivizimit të Dani Olmo-s, në varësi të planit që do të zgjedhë Flick.
Alternativa janë disa për trajnerin gjerman, por dëshira e tifozëve të Barcelonës është të shohin sonte nga minuta e parë, Gabriel Jesus.
