Trajneri Ismet Munishi ka bërë të ditur se më nuk do ta drejtojë klubin e Ferizajt që garon në Ligën e parë.
Pas, pesë muajve në krye trajneri ka vendosur të japë dorëheqje.
Ferizaj ka reaguar përmes një postimi në Facebook, pasi Munishi e bërë të ditur lajmin.
Klubi e ka quajtur projekt afatgjatë emërtimin e ish-trajnerit të Prishtinës edhe pas largimit të tij, shkruan lajmi.net.
“Me këtë rast, FC Ferizaj, e falënderon përzemërsisht trajnerin Munishi për punën dhe kontributin e tij sa ishte pjesë e klubit tonë. Projekti me Munishin ishte afatgjatë, me bindje të plotë, se suksesi ishte dëshira jonë e përbashkët. FC Ferizaj e vlerëson shumë trajnerin Munishi, për vlerat sportive, shpirtin luftarak, e mbi të gjitha dashurinë që e ka për klubet kur i drejton. Prandaj, vlerësime maksimale për punën e trajnerit Munishit, paçka se ajo nuk u përkthye në rezultate”, thuhet në njoftim.
Skuadrën aktualisht do ta drejtoj trajneri Egzon Shabani dhe ndihmësit e tjerë, deri në një vendim të ri. /Lajmi.net/
