Mbrojtësi i Chelseat, Reece James, ka ndarë me ndjekësit e tij një fotografi të dëmtimit që e ka detyruar të mungojë në grumbullimin e fundit të Kombëtares së Anglisë. 24-vjeçari ka postuar imazhin në rrjete sociale, duke treguar se lëndimi nuk është i lehtë dhe se aktualisht po ndjek një program rikuperimi nën kujdesin e stafit mjekësor të klubit.
James ka pasur probleme të përsëritura me dëmtimet gjatë dy sezoneve të fundit, gjë që e ka penguar të ketë vazhdimësi si me Chelsean ashtu edhe me Anglinë. Kjo mungesë është një tjetër goditje për trajnerin Gareth Southgate, i cili do të duhet të bëjë pa mbrojtësin e djathtë në ndeshjet e ardhshme kualifikuese.
Megjithatë, lojtari ka premtuar se do të kthehet më i fortë, duke falënderuar tifozët për mbështetjen e vazhdueshme. Ai pritet të rikthehet në fushë pas disa javësh, në varësi të ecurisë së rikuperimit.
