Trajneri brazilian, Sylvinho shënoi sukses të madh me Kombëtaren e Shqipërisë, duke u kualifikuar në Kampionatin Evropian, që mbahet në Gjermani vitin e ardhshëm.
Shqipëria shkëlqeu në eliminatoret për Euro 2024, duke siguruar kualifikimin në Gjermani nga pozita e parë në grup, shkruan lajmi.net.
Përveç kësaj, Shqipëria arriti edhe rekorde të tjera si Kombëtare në fazën e grupeve të kualifikimeve për Evropian.
Kuqezinjtë nën urdhrat e trajnerit Sylvinho regjistruar record pikësh në grup me pesë ekipe kundërshtare.
“Shqiponjat” përmbyllën fazën e grupeve me 15 pikë në krye të tabelës, me goldallim më të mirë se Çekia.
Katër fitore, tri barazime, një humbje – me 12 gola të realizuar dhe vetëm katër të pranuar, ishte bilanci i Kombëtares kuqezi në eliminatore.
Më tej, Shqipëria realizoi edhe 1.88 pikë për ndeshje, siç ka njoftuar Federata Shqiptare e Futbollit në faqen zyrtare.
Shqipëria bën pjesë në vazon e dytë të shortit për fazën e grupeve në Kampionatin Evropian 2024.
Hedhja e shortit për grupet e Evropianit do të bëhet më 2 dhjetor në Hamburg të Gjermanisë./Lajmi.net/
