Trajneri i Spanjës, Luis de la Fuente, është i bindur se Rodri do të përshtatet shumë lehtë te Barcelona. Madje, De La Fuente shkon edhe më tej duke e karahasuar Rodrin me yllin e futbollit, Lionel Messin.
Do të jetë më e lehtë për të të përshtatet, pasi Rodri është Messi i futbollit spanjoll, kështu që ai do të përshtatet mirë me çdo ekip, në çdo rrethanë. Ai është më i miri në botë në pozicionin e tij”, u shpreh De La Fuente në një intervistë për Radio Marca.
Po ashtu, trajneri i Spanjës nuk mund të rrinte pa komentuar për tërheqjen e Lionel Messit nga kombëtarja argjentinase.
“Normalisht kur koha kalon dhe dikush del në pension, dikush tjetër është më i aftë të vlerësojë atë që ka arritur dikush, por kjo nuk do të ndodhë me Messin. Ai është një legjendë”, shtoi De La Fuente.
