Scaloni: Messi është i gatshëm për ndeshjet kualifikuese të Argjentinës
Uran Krasniqi / RTKLive
Lionel Messi do të jetë i aftë për ndeshjet kualifikuese të Argjentinës për Kupën e Botës kundër Uruguait dhe Brazilit pavarësisht se ai nuk ka luajtur që një kohë, ka thënë të mërkurën trajneri Lionel Scaloni.
Messi luajti ndeshjen e tij të fundit me Inter Miami më 21 tetor.
“Messi është duke u stërvitur normalisht, ai është në formë dhe mirë”, është shprehur trajneri argjentinas në një konferencë për shtyp.
Pas katër fitoreve nga katër ndeshje, Argjentina është në krye të grupit kualifikues të Amerikës së Jugut me dymbëdhjetë pikë. Kampionia e botës do të përballet me Uruguain të enjten para se të luajë kundër Brazilit të martën e ardhshme.
