“Besoj se fusha do të favorizojë një lojë të shpejtë në gjysmëfinale. Do ta ujisim që topi të rrëshqasë më mirë. Pa dyshim, do të jetë një ndeshje ku topi do të lëvizë me shpejtësi të madhe”, – tha Ian Craig për “MARCA, eksperti që mbikëqyr kushtet e fushës së stadiumit ku Spanja do të luajë gjysmëfinalen e Botërorit 2026 ndaj Francës.
“AT&T Stadium” në Dallas, me 80 mijë vende, mban çatinë e mbyllur për shkak të vapës 36°C dhe lagështisë rreth 80%. Stadiumi është shtëpia e Dallas Cowboys, klubi më i vlefshëm në botë sipas “Forbes”, dhe ka pritur 9 ndeshje të këtij Botërori.
Gjiganti ka një ekran 49 metra të gjatë, 22 metra të lartë dhe me peshë 544 tonë. Bari, i përbërë nga ‘kentucky bluegrass’ dhe ‘ryegrass’, është kultivuar në Colorado dhe transportuar në Dallas. Për shkak të mungesës së dritës natyrale, ai mirëmbahet me llamba ngrohëse, të cilat i japin fushës një nuancë rozë.
Edhe DJ i stadiumit, DJ Chuy, është gati për spektaklin: “Kënga ime e preferuar spanjolle është ‘Despechá’ e Rosalías. Më pëlqen shumë”.
