PSG-ja do të presë Real Sociedadin në Ligën e Kampionëve, e vlefshme për raundin e 1/8-ave. Trajneri spanjoll i parizienëve, Luis Enrike, u ndal te forma e Mbapesë dhe se nuk shihte favoritë në këtë takim.
A do të jetë Mbape titullar?
Kur ke një lojtar të kalibrit të Kiliës, e vetmja gjë që duhet të kuptosh është që sa më shumë ai luan, aq më mirë është për skuadrën. Ai mund të luante katër ditë më parë, por rreziku nuk ia vlente.
A do të jenë këto dy ndeshjet e fundit për Mbapen në Champions për PSG-në?
Jo, unë nuk mendoj kështu. Ai nuk ndihet as i lumtur dhe as i mërzitur, është njësoj si gjithmonë.
A jeni favoritë?
Ne na pëlqejnë përqindjet, problemi është se ato nuk ekzistojnë. E rëndësishme është se ne jemi në një proces mësimi dhe se jemi gati. Kemi krijuar një klimë të mirë me tifozët. Champions-i dhe kampionati janë dy kompeticione të ndryshme. Le të mos harrojmë se Real Sociedad është një nga skuadrat që ka pësuar më pak gola. Janë kundërshtarë që nuk pësojnë, janë agresivë. Është një nga skuadrat më të mira në këtë kompeticion. Kanë një nivel shumë të lartë, kjo është e dukshme. Nuk ka rëndësi nëse unë them që jemi favoritë, kjo gjë duhet të provohet.
PANORAMASPORT.AL