Pushimi ndërkombëtar po hyn në fazën e tij të dytë, ndërsa disa prej futbollistëve të Milanit do të zhvillojnë sonte ndeshjen e tyre të dytë me kombëtaret.
Pas përfundimit të javës së parë të angazhimeve ndërkombëtare, rikthimi i futbollit të klubeve po afrohet gjithnjë e më shumë. Milani po përgatitet për sfidën ndaj Sassuolos, ndërsa lojtarët që kanë mbetur në Milanello vijojnë stërvitjet për të ruajtur ritmin përpara rikthimit të kampionatit.
Megjithatë, nga stërvitja e sotme ka ardhur edhe një lajm jo i mirë. Alexis Saelemaekers ka pësuar një ndrydhje të kyçit të këmbës gjatë seancës stërvitore në Milanello, përcjell ORAinfo.
Chukwueze me Nigerinë ndaj Guinesë-Bisau
Samuel Chukwueze dhe Nigeria do të përballen me Guinenë-Bisau në kuadër të kualifikueseve të Kupës së Afrikës.
Ndeshja do të zhvillohet në orën 18:00. Sulmuesi i Milanit nuk pritet të jetë titullar, ndërsa takimi konsiderohet i rëndësishëm për objektivat e Nigerisë në këtë fazë të eliminatoreve.
Modric rikthehet në Spanjë
Luka Modric do të jetë gjithashtu në aksion me Kroacinë, e cila do të udhëtojë drejt Sevillas për përballjen e radhës në Ligën e Kombeve.
Mesfushori i Milanit e ka nisur mirë këtë periudhë me kombëtaren, por mbetet për t’u parë nëse do të jetë titullar apo do të pushojë në këtë takim.
Athekame dhe Jashari pritet të startojnë
Dy lojtarët e tjerë të Milanit që pritet të jenë titullarë sonte janë Zachary Athekame dhe Ardon Jashari.
Të dy futbollistët pritet të ruajnë vendin në formacionin e Zvicrës, pas paraqitjes së mirë dhe fitores ndaj Maqedonisë së Veriut gjatë fundjavës.
Për Milanin, këto ndeshje janë një tjetër mundësi për të monitoruar gjendjen fizike dhe formën e lojtarëve përpara rikthimit të futbollit të klubeve. /ORAinfo/
