Pavarësisht pezullimit pas ndeshjes në Cagliari, Luciano Spalletti foli mbas humbjes së rëndë 3-0 të Juventusit ndaj Lazios: “Ishte një Juventus inferior, pa kontrollin e lojës dhe pa ide se ku ta orientonte ndeshjen. Është e vështirë të japësh shpjegime.
Pas ndeshjes së të enjtes nuk kemi bërë stërvitje dhe vendosëm që lojtarët të rikuperoheshin. Provova të ndryshoja formacionin, me gjashtë lojtarë të rinj, por ishim të ngadaltë si fizikisht, ashtu edhe mendërisht. Kur mbërrin vonë te topi dhe nuk luan me ritëm e zemër, nuk të ndihmojnë as taktikat, as skemat e lojës.
Duhet ta analizojmë situatën. Na munguan ritmi, idetë dhe vrapimi. Ishim të brishtë edhe në reagimin ndaj dueleve të humbura. Nuk më pëlqyen shumë qëndrime. Duhet të gërmojmë në karakterin tonë, sepse duhet të reagojmë, pa iu dorëzuar rrethanave. Të ardhmen nuk e përcakton fati, por vullneti ynë.
Kemi vetëm dy mundësi: të flasim me skuadrën dhe të ndryshojmë mënyrën e punës. Edhe unë u befasova nga kjo paraqitje. Ajo që bëmë sot është absolutisht e papranueshme”.
