Ish-futbollisti i mirënjohur, tanimë trajneri Faruk Statovci ka folur për lajmi.net në lidhje me titullin e kampionit të Ballkanit dhe dështimit të Dritës në garën për trofeun e më të mirit.
Statovci ka thënë se Ballkani e ka merituar titullin e kampionit, por sipas tij, “merita” ka pasur edhe Drita e cila nuk ka shfrytëzuar gabimet e suharekasve në disa xhiro.
“Unë mendoj se Ballkani e ka merituar titullin. Ndoshta jo me lojën që e ka bërë Ballkani vitin e kaluar. Në fillim e kemi thënë se Ballkani dhe Drita do të jetë pretendentë kryesorë për titull dhe ashtu doli” – tha Statovci për lajmi.net në një intervistë.
“Po të kishte qenë Drita e para 2-3 viteve këtë edicion do ta fitonte titullin e kampionit”, deklaroi ai.
Deklaratën e plotë të Faruk Statovcit do mund ta shikoni në videon e mëposhtme./Lajmi.net/
