Është hedhur shorti i fazës së 1/8-ave të FSHF Cup, kompeticion i futbollit amator 9×9 që organizohet nga Departamenti i Futbollit Amator në Federatën Shqiptare të Futbollit.
Shorti i hedhur në ambientet e “Shtëpisë së Futbollit” nga specialistë të këtij departamenti përcaktoi tëtë sfidat e kësaj fazë që do të luhen duke nisur nga data 22 janar.
Shorti ka rezervuar përballje mjaft interesante në këtë fazë, ku do të vihen përballë skuadrat nga grupet A dhe B në “FSHF Sunday League”, ndërsa në dy sfida shorti ka rezervuar kundërshtarë nga i njëjti grup.
Kryesuesit e grupit A në “FSHF Sunday League Albania”, skuadra e ATS do të përballet me skuadrën e Albamer. Ndërsa kryesuesit e grupit B, Dajti në këtë fazë të FSHF Cup do të përballet me skuadrën e grupit A, Big-Bite.
Ndeshjet e fazës së 1/8-ve të vlefshme për FSHF Cup:
ATS – Albamer
Raiffeisen Bank – Kastriotët
Al Ar – FC Luminesen
Coca Cola – IMMI
Big Bite – FC Dajti
Dymbëdhjeta – FC Confucius
Ferraj FC – Jata Market
PRIMO MFC – Elso /FSHF
