Ish-trajneri i Manchester United, Erik ten Hag, thotë se rënia nga Premier League është padyshim e mundur këtë sezon, duke parë periudhën e vështirë që po kalojnë ‘djajtë e kuq’.
Man Utd ndodhet mbi zonën e rënies nga kategoria vetëm falë diferencës së golave dhe ka arritur të fitojë vetëm dy herë në të gjitha kompeticionet këtë sezon. E vetmja fitore e tyre në Premier League ishte kundër Ipswich, më 30 gusht.
Gjatë dy viteve e gjysmë në krye të Manchester United, trajneri Ten Hag fitoi Carabao Cup dhe FA Cup, por tani ka paralajmëruar se rënia nga kategoria, e para për klubin që nga viti 1974, mund të ndodhë.
“Në Premier League është padyshim e mundur, sepse të gjitha skuadrat janë vërtet të forta. Janë të gjitha ekipe të forta, me trajnerë të zotë. Dhe nëse e gjeni veten në anën e gabuar, duke hyrë në atë rreth vicioz, atëherë situata mund të bëhet shumë e vështirë“, tha Ten Hag.
