Tenisti italian, Luca Nardi e ka eliminuar serbin Novak Djokovic nga BNP Paribas Open, duke e mposhtur në sete 6-4, 3-6, 6-3.
Nardi, i cili gjendet i 123 në ranglistën botërore të tenisit, e eliminoi Djokovicin nga kjo garë, ndërsa në fund ra në gjunjë nga mosbesimi.
“Kjo është një mrekulli. Jam 20 vjeçar, i 100-ti në botë, dhe e mposhta Novak. Shumë e çmendur, çmenduri”, tha Nardi.
Duke vendosur tonin herët me gjuajtjet e tij të forta, Nardi e frustroi Djokovicin gjatë gjithë mbrëmjes. Ishte një moment kur Nardi u befasua nga një thirrje “brenda” dhe rastësisht e goditi topin në rrjetë. Rezultoi në pikë fituese dhe bëri që Djokovic të ankohej te zyrtari për një pengesë të mundshme.
Nardi ishte gati për tu kthyer në shtëpi. Ai hyri në fushë si një “humbës me fat”, i cili është një lojtar që u eliminua në pengesën e fundit në kualifikime, por doli në shortin kryesor si një zëvendësim për një lojtar të dëmtuar që u tërhoq përpara raundit të parë. Në rastin e Nardit, ai hyri në vend të numrit 30, Tomas Martin Etcheverry.
