Trajneri i Juventus-it, Thiago Motta, ka komentuar barazimin 2-2 kundër Bologna-s në një intervistë të dhënë për DAZN pas ndeshjes.
20 minutat e fundit më të mira për Juventus-in?
“Unë shikoj gjithçka. Lojtarëve të mi nuk u mungon liria, veçanërisht kundër një skuadre që luan shumë një kundër një. Ndeshja ishte pothuajse e mbyllur kur ishte 0-2, djemtë arritën të barazonin me një zemër të madh dhe kjo është pika pozitive e ndeshjes”.
Çfarë ndodhi me arbitrin?
“Kishte të drejtë: bëra një gjest që nuk duhej ta bëja, kartoni i kuq ishte i drejtë”.
A jeni i kënaqur me punën tuaj deri tani?
“Nuk më pëlqen të gjykoj punën e të tjerëve dhe as timen. Vazhdoj të punoj me këta djem, për të përmirësuar nivelin tonë dhe për t’u përballur më mirë me kundërshtarin”.
A është momenti më i mirë për t’u përballur me City-n?
“Nuk ekziston një moment i mirë për t’u përballur me një skuadër të nivelit të City-t. Do të japim maksimumin, duke kërkuar të limitojmë lojën e tyre dhe të shprehim lojën tonë”.
