Komisioni i Disiplinës nga Federata Shqiptare te Futbollit sot gjatë ditës publikoi vendimet për ndeshjen e djeshme mes Tiranës dhe Bylist.
Pas përfundimit të takimit të djeshëm, tifozët u futën në fushë dhe sulmuan gjyqtarët e ndeshjes, shkruan Lajmi.net
FSHF-ja publikoi vendimet dhe dënimet e rrepta ndaj lojtarëve të Tiranës. Përveç portierit, Visar Bekaj është dënuar edhe lojtari tjetër kosovar, Florent Hasani.
Vendimi: “Florent Hasani, për sjellje josportive ndaj zyrtarëve të ndeshjes dënohet 4 (katër) ndeshje pezullim nga të gjitha aktivitetet.”
Tirana është “masakruar” nga FSHF-ja, teksa portieri Visar Bekaj është dënuar me 12 muaj pezullim. Gjithashtu janë dënuar dhe pjesa më e madhe e futbollistëve bardheblu.
- Lojtari i KF Tirana, Visar Bekaj, për nxitje të urrejtjes dhe akteve të dhunës, në bazë të nenit 51/1 të KDS, dënohet me 12 (dymbëdhjetë) muaj pezullim nga të gjitha aktivitetet dhe gjobë në masën 100.000 (njëqind mijë) lekë.
