Lautaro Martinez është zgjedhur lojtari më i mirë i Serisë A për muajin tetor. “Demi” do të marrë çmimin “Lojtari i Muajit” përpara ndeshjes Inter-Frozinone që do të zhvillohet sonte në 20:45.
“Fillimi i sezonit të Lautaro Martinezit ishte thjesht mbresëlënës”, deklaroi Luixhi de Siervo, administratori i deleguar i Serisë A duke vazhduar:
“Argjentinasi tani është një udhëheqës absolut, me numra të jashtëzakonshëm dhe një lidership të konfirmuar nga shiriti i kapitenit të Interit.
6 gola në 4 ndeshje, disa me teknikë të shkëlqyer, të shënuar në muajin tetor, i çuan zikaltrit në vendin e parë dhe e bënë Lautaron golashënuesin aktual më të mirë të kampionatit”.
Teilen:
