Unai Emery e ka fituar çmimin e trajnerit më të mirë të muajit dhjetor të vitit 2023 në Premier Ligë.
Emery shpallet fitues pasi në garën për këtë çmim mposhti Andoni Iraolan, Jurgen Klopp dhe David Moyes, raporton KosovaPress.
Emery dhe skuadra e tij po kalojnë një formë fantastike këtë sezon, ku Aston Villa momentalisht zë vendin e dytë në tabelën e Premier Ligës.
“Jam mirënjohës dhe tejet krenarë për punën tonë. Gjëja më e rëndësishme është të vazhdojë kjo ecuri, të kërkosh, dhe të përmirësohemi çdo ditë”, tha Emery.
Aston Villa humbi vetëm njërën prej shtatë ndeshjeve që i zhvilloi në dhjetor, duke përfshirë këtu fitoret radhazi kundër Manchester Cityt dhe Arsenalit.
