Kapiteni i Liverpulit, Virxhil van Dajk tha pas fitores ndaj Mançester Junajtidit në “Old Trafford” se ata ta do të përpiqen të jenë madhështorë këtë sezon. Duke folur për “Sky Sports”, qendërmbrojtësi holandez komentoi suksesin në stadiumin e rivalëve të vjetër, e cila i lejoi atyre të ruanin hapin perfekt në kampionat pas tre javëve të para:
“Është një moment krenarie. Ajo që më kënaqi më shumë ishte performanca nga fillimi në fund. Ne duam të argëtohemi atje dhe e vetmja mënyrë për ta bërë këtë është me punën e palodhur që kemi bërë. Ne dominuam dhe duhej të kishim shënuar më shumë. Fitorja 3-0 është një përmirësim i madh nga viti i kaluar. Duhej të qëndronim të fokusuar dhe bëmë shumë mirë. Jam shumë krenar për djemtë”.
Van Dajk beson se plani i lojës së Arne Slotit funksionoi shumë mirë: “Joshua Zirkze luan si sulmues për ta tani, por unë e di që atij i pëlqen të lëshojë topin dhe ta marrë atë në këmbë. Ne e dimë se atyre u pëlqen ta bëjnë këtë, por ne e anuluam shpejt. Plani ynë i lojës funksionoi. Ne ruajtëm durimin”.
Van Dajk beson se Liverpuli është atje përpara, bashkë me Mançester Sitin dhe Arsenalin për sa i përket garës për titull: “Ajo që Jyrgen Klop tha në një nga intervistat e tij të fundit është se trajneri i ri trashëgoi një skuadër shumë të mirë. Trajneri u largua, por lojtarët jo. Ne nuk jemi të kënaqur vetëm duke rivalizuar. Ne duam të arrijmë madhështinë këtë sezon. Unë nuk do të shkoj të rivalizoj në asnjë kompeticion vetëm sa për të thënë. Unë dua të fitoj. Ne përballemi me një ekip shumë të mirë siç është Mançester Siti dhe Arsenali. Vazhdimësia jonë duket mirë. Pas pushimit ndërkombëtar mund të jetë interesante kur të luajmë çdo tre ditë. Por unë sigurisht që po e shijoj udhëtimin”.
PANORAMASPORT.AL
