Ish-sulmuesi i Skënderbeut, Ali Soue, duket se është abonuar me golin në elitën e futbollit turk, teksa gjeti rrugën e rrjetës sërish mbrëmjen e sotme me fanellën e Ankaraguçu në duelin e kthimit të vlefshëm për gjysmëfinalen e Kupës së Turqisë ndaj Bashaksehir.
Soue zhbllokoi sfidën në minutën e 11-të, teksa koha e rregullt përfundoi me rezultatin 2-1. Për shkak se në duelin e parë kishte përfunduar me rezultatin 1-0 në favor të Bashaksehir, ndeshja shkoi në shtesa dhe u vulos nga goli i shënuar nga Keni në minutën e 109-të.
Vlen të theksohet se Bashaksehir është njohur ndryshe edhe si skuadra e Erdoganit. Presidenti i Bashakshehirit , Goksel Gumusdag ,është zyrtari i lartë i AKP-së, Partia për Drejtësi e Zhvillim. Këtë parti e ka themeluar Erdogan, që e ka ndjekur shumë herë nga stadiumi ekipin në fjalë.
PANORAMASPORT.AL
