Bota e futbollit mori një lajm të hidhur pak vite më parë, kur portieri gjerman Robert Enke i dha fund jetës në moshën 32-vjeçari. Depresioni u bë shkak që portieri të hidhej para trenit, duke gjetur kështu vdekjen e menjëhershme në vitin 2009.
Nëse vdekja e tij ka trishtuar të gjithë në botën e sportit, nuk mund të thuhet e njëjta gjë për mesfushorin Arturo Vidal. Ish-futbollisti i Juventusit dhe Interit, asokohe luante në Bundesligë me Bajer Leverkusenin.
Në një video në aplikacionin “Twitch”, Vidal ka kujtuar golin e tij të parë në Europë, të cilin ia ka shënuar pikërisht Enkes dhe komenti pasues, ishte jo pak tallës, koment i cili ka marrë kritika të shumta në rrjet dhe ka sjellë polemika.
“Ky është goli im i parë në Europë me Leverkusenin. Hej, ky portieri më vonë kaloi në depresion dhe vrau veten”, u shpreh mesfushori kilian, Arturo Vidal.
arturo vidal pic.twitter.com/a7xk7wgw0E
— Mengão Rage Comics (@mengaorcomics) August 22, 2023
PANORAMASPORT.AL
