Kosova ka barazuar me Zvicrën në kuadër të ndeshjen kualifikuese për Euro 2024.
Trajneri i Kosovës, Primoz Gliha, ka thënë se ishte Qeqa Krelani ajo që i tregoi se kush duhet të luajë dhe ajo ishte meritore për pikën e fituar.
Pas, kësaj ka reaguar edhe aktivistja feminste dhe analistja politike, Zana Avdiu përmes një postimi në Facebook.
“Qeqa Krelani paska pas dhanë super propozim, që me iu dhanë përparësi lojtarëve të Superliges. Trajneri i Kosovës, e paska dëgjo atë, dhe pat sukses ndaj një kombëtare të madhe, si Zvicra. Po del që cikat e njohin na mirë futbollin se djemtë“, ka shkruar ajo.
Barazimi i mundëson Zvicrës që të kualifikohet në Evropian, ndërsa Kosova tashmë është pa gjasa.
Por “Dardanët” kanë vazhduar ecurinë pozitive. Barazimi erdhi pas dy fitoreve rresht.
Ndeshjen e radhës Kosova e luan në “Fadil Vokrri” kundër Bjellorusisë të martën. /Lajmi.net/
