Ibrahimovic flet për raportin e tij me Tonalin dhe skandalin me bastvënie në Itali.
Zlatan Ibrahimovic ka folur mbi skandalin e basteve brenda futbollit italian, duke këmbëngulur se ish-shoku i tij i skuadrës Sandro Tonali ka nevojë për ndihmë nëse ai vërtet po lufton ndaj varësisë nga lojërat e fatit, pasi është ‘si një drogë’.
Suedezi nuk kishte asgjë tjetër për të thënë veçse gjëra pozitive për ish-bashkëlojtarin e tij, i cili gjithashtu u largua nga Milani këtë verë.
Ibrahimovic po fliste në eventin e Festival dello Sport në Trento të dielën pasdite, ku u pyet nëse kishte vënë re ndonjë gjë të dyshimtë ndërsa luante përkrah Tonalit.
Në vend të kësaj, Ibrahimovic dha një referencë të shkëlqyeshme, ndërsa këmbënguli se ai nuk kishte qenë në dijeni se kishte pasur një problem në atë kohë.
“Kur ai zbarkoi në Milano, Tonali kishte mbërritur nga Brescia dhe sapo kishte realizuar ëndrrën e tij. Mund ta keni parë menjëherë se ai ishte i fortë, por të luash për Brescian me gjithë respektin nuk është si të luash për Milanin. Më shumë presion, mentalitet ndryshe dhe objektiva të tjerë”, ka thënë fillimisht Ibrahimovic.
Tonali, së bashku me bashkëlojtarin e tij tek Italia, Nicolo Zaniolo, u mor në pyetje nga policia të enjten, përpara se të tërhiqej më vonë nga skuadra e Luciano Spallettit.
Ibrahimoviç u pyet nëse e kishte lënduar të shihte mikun e tij duke kaluar nëpër një provë të tillë, për të cilën ai u përgjigj: “Unë di shumë pak për këtë histori, nuk kisha vërejtur kurrë ndonjë gjë të çuditshme për të, por nuk duhet të gjykoni para se t’i dini të gjitha detajet.
“Nëse ai është duke luftuar me varësinë ndaj lojërave të fatit, duhet ta ndihmoni, sepse është vërtet si një drogë. Edhe unë kam luajtur më parë në kazino, sepse secili është i lirë të bëjë çfarë të dojë me paratë e veta, por ju duhet ta kuptoni situatën”, përfundoi Ibrahimovic
