Ter Shtegen është rikthyer në listën e Barcelonës pas 215 ditëve. Sot janë publikuar emrat e përzgjedhur nga Flik, për sfidën “El Clasico” me Realin në Kupën e Mbretit. Gjithçka do të marrë jetë nesër në orën 22:00.
Kapiteni i katalanasve ka kaluar plotësisht dëmtimin e rëndë, që pësoi para se klubi të nënshkruante me Sheznin. Tashmë do të ketë konkurrencë mes Ter Shtegen dhe polakut për një vend titullari.
Më parë, Ter Shtegen ishte startues i padiskutueshëm. Ndërkohë me Sheznin, Barça ka pasur një ecuri fantastike në vitin 2025.
Aktualisht skuadra e Flik është në garë për tripleten. Kryesojnë kampionatin dhe do të luajnë në gjysmëfinalen e Champions përballë Interit.
PANORAMASPORT.AL
