Klubi italian Inter ka konfirmuar vazhdimin e kontratës së Simone Inzaghit deri në qershor 2025.
Lajmi u konfirmua zyrtarisht nga klubi “zikaltër”.
“FC Internazionale Milano është i kënaqur të njoftojë se Simone Inzaghi ka nënshkruar një kontratë të re me klubin për të qëndruar si trajner deri në vitin 2025”, thanë gjigantët e Serie A.
Taktikani italian u emërua në vitin 2021 duke zëvendësuar Antonio Conten duke fituar katër tituj gjatë qëndrimit të tij dyvjeçar, dy Kupa të Italisë dhe dy Superkupa të Italisë.
Inzaghi udhëhoqi Nerazzurrët në finalen e tyre të parë të Ligës së Kampionëve në 13 vjet sezonin e kaluar, por humbi nga Manchester City i Pep Guardiolës në Stamboll.
Interi ka fituar tri ndeshjet e para të Serisë A këtë sezon dhe është klubi i vetëm në ligë pa asnjë gol të pësuar deri më tani në 2023-24.
2️⃣0️⃣2️⃣5️⃣✍️🖤💙
👉 https://t.co/zrRtGOQxdd#ForzaInter #Inzaghi2025 pic.twitter.com/J9UsgL1UYh
— Inter (@Inter) September 5, 2023