Lëndimi i Vedat Muriqit në ndeshjen Kosovë – Izrael ka ngritur “alarmin” e Mallorcas, skuadrës spanjolle pjesë e të cilës është sulmuesi kosovar.
Muriqi u detyrua ta lë fushën e stadiumit “Fadil Vokrri” pas lëndimit që pësoi në ndeshjen kualifikuese kundër Izraelit, shkruan lajmi.net.
Gazeta e madhe spanjolle “Marca” ka raportuar për lëndimin e reprezentuesit të Kosovës.
Ata kanë bërë të ditur se Mallorca po e monitoron gjendjen e futbollistit prizrenas.
Muriqi u largua duke çaluar dhe i ndihmuar nga ekipi mjekësor i Përfaqësueses së Kosovës.
🚨🚨 Así se ha retirado del terreno de juego Vedat Muriqi 👇
📹 Facilitado por @mergim_rrecaj https://t.co/QN26SyIEVg pic.twitter.com/jN2rg5SfYF
— Juanmi Sánchez (@JUANMISB97) November 12, 2023
Kujtojmë se Muriqi iu bashkua Kosovës për këtë duel me lejen e Mallorcas.
Këta të fundit e shtyn madje edhe ndeshjen kundër Cadizit, e planifikuar të zhvillohej në fundjavën që lamë pas, për shkak të mungesës së “bomberit” kosovar./Lajmi.net/
