Valon Behrami, në rolin e opinionistit për “DAZN” , ka shpjeguar pse Tejxhon Bjukenën mund të jetë i dobishëm për Simone Inzagin.
“Është një lojtar që ka bërë gjëra të mëdha në MLS, Bryzh ka vënë bast mbi të dhe ai po bën shumë mirë. Mund të përshtatet, është anësor i shpejtë, i zoti në driblime, shumë fleksibël sepse mund të luajë në role të ndryshme. Është i prirur në fazën sulmuese, por lë shumë hapësira në atë mbrojtëse në krahasim me Dumfrisin. Nuk ka ndonjë vizion të madh loje, ul kokën, kërkon të shënjestrojë kundërshtarin dhe të shkojë deri në fund. I ngjan Molinës edhe pse në shtëpi e shohin ndryshe, më shumë si një lojtar të fuqishëm, unë e shoh si një kombinim mes një lojtari teknik dhe të zoti në driblim”, tha Behrami që vazhdoi: “I pëlqen të shënjestrojë lojtarin, ka nevojë për thellësi, ka luajtur edhe si anësor i lartë në 4-3-3, nuk është si Dumfris që është shumë linear, por edhe hyn në fushë. Bjukenën mund të jetë shumë i dobishëm edhe sepse anësorët e tjerë të Interit nuk e kanë atë aftësi dribluese”.
PANORAMASPORT.AL
