Kupa e Afrikës ka filluar prej pak ditësh me rezultate surprizë, por si gjithmonë edhe me ngjarje të çuditshme. Një e tillë ka ndodhur sot në stadiumin “Charles Konan Banny de Yamoussoukro” në Bregun e Fildishtë, para ndeshjes së fazës së grupeve mes Senegalit dhe Gambias.
Skuadrat janë rreshtuar në mesin e fushën në pritje të himneve dhe i pari nisi ai i Senegalit. Por ai u mbyll para kohe pas një problemi në altoparlantë që i dha fund muzikës. Megjithatë, kënga u çua deri në fund nga tifozët e Senegalit, të cilët kënduan me zë të lartë vargjet e mbetura.
Pak çaste më vonë, i njëjti problem u përsërit edhe me himnin e Gambias, teksa altoparlantët “dhanë shpirt” në mes të ekzekutimit të himnit. Po ashtu si senegalezët, edhe tifozët e Gambias të pranishëm në stadium, çuan deri në fund këngën para fillimit të ndeshjes që përfundoi me shifrat 3-0 për Senegalin.
And the same for Gambia who had to finish off the anthem in a capella https://t.co/J5A67lisRz pic.twitter.com/i18SrCsljA
— On The Whistle (@otw_podcast) January 15, 2024
PANORAMASPORT.AL
