Shorti i Ligës së Kampionëve prodhoi dje përballje tejet interesante në çerekfinale të kësaj gare, ndër to edhe ndeshjen mes Paris Saint-Germain dhe Barcelonës.
PSG do të përballet me Barçën në çerekfinale, dhe trajneri i kampionit spanjoll thotë se skuadra e tij nuk është favorite në këtë ndeshje.
Xavi e komentoi shortin duke thënë se PSG është favorit, por që në anën e Barcelonës është historia dhe trofetë.
“Ne e dimë se Paris Saint-Germain janë sigurisht favoritët për shkak të transferimeve të mëdha që ata i kanë bërë. Por, mos harroni se ne kemi historinë në anën tonë me më shumë tituj të Ligës së Kampionëve. Jam i sigurt se mund të garojmë, dhe ne do ta bëjmë më të mirën”, tha Xavi.
