Athina pret sot finalen e edicionit të tretë të Ligës së Konferencës, me një skuadër vendase si protagoniste. Olimpiakosi do të përballet me Fiorentinën dhe ekipi grek është pak më i favorizuar pikërisht nga faktori fushë në këtë duel.
Grekët kanë bërë gjithçka mirë teksa eliminuan në rrugëtimin e tyre edhe favoritët e turneut, Aston Vilën e Unai Emeri, me dy ndeshje mbresëlënëse. Ndërsa Fiorentina kthehet për të dytin vit radhazi në finale, duke shpresuar që këtë herë të dalë fituese dhe të bëjë të sajën trofeun.
Në radhët e Olimpiakosit bie në sy se Andreas Ndoj, mbrojtësi shqiptar i cili braktisi përfaqësueset kuqezi për t’iu bashkuar atyre greke, është lënë në stol nga trajneri Mendilibar.
LIVE OLIMPIAKOS-FIORENTINA 0-0
NGJARJET KRYESORE
9’ Një pasim nga e djathta pas zhvillimit të një goditje këndi gjen devijimin në rrjetë të Milenkoviç për Fiorentinën, por goli anulohet për pozicion jashtë loje. (VIDEO)
5’ Përgjigjet Fiorentina me një kundërsulm të shpejtë, pasi një top nga e djathta nuk devijohet nga Kuame në qendër, por gjen Belotin i cili gjuan jashtë.
4’ Podens provon nga e majta, por gjen përgjigjen e Terraçianos i cili devijon në goditje këndi. (VIDEO)
1’ Nis dueli në Athinë.
FORMACIONET ZYRTARE
PANORAMASPORT.AL
