Trajneri i Borusia Dortmund, Edin Terziç, përpara nisjes për në Londër aty ku është stadiumi ku do të mbahet finalja, është prononcuar para mediave, duke kanalizuar edhe rivalin në vija të holla, pa lënë mënjanë Karlo Ançelotin:
“E kam idenë e qartë se si do ta hedhë ekipin në fushë. Nuk do t’i fokusojmë manovrat te lojtarë specifikë, por do ta shpërndajmë përgjegjësisë te e gjithë skuadra. Jemi duke aplikuar disa skema, por nuk dua të flas më shumë mbi këtë temë”, tha Terziç. Më pas tekniku 41-vjeçar, u ndal te Reali dhe “Don Karlo”: “Nëse një ekip fiton 14 herë Ligën e Kampioneve, atëherë do të thotë se ata janë ndjeshëm më të avantazhuar sesa skuadrat e tjera, pasi kanë krijuar eksperiencë në të tilla nivele.
Pastaj Ançeloti është mjeshtër i vërtetë. Ai ka fituar shumë, jo vetëm në Madrid. Gëzoj respekt të madh për trajnerin italian, por nëse mendoni se do të hyjmë në fushë me mentalitetin e ekipit të nënshtruar, gaboni rëndë. Nuk kemi asgjë për të humbur, sikurse edhe spanjollët. Fokusi është i plotë te finalja e datës 1 qershor. Grupi ka fituar pjekur pas kalimi të fazave që kemi arritur deri këtu, tashme na mbeten edhe 90 minuta deri në fund të rrugëtimit”, përfundoi Terziç. Borusia Dortmund do të zbresë për herë të 3-të në një finale Championis-i, pasi ka fituar vetëm në një rast, precedenti i vitit 1997 kundër Juventusit.
PANORAMASPORT.AL
