Vinsent Kompani u shfaq në terrenin stërvitor të Bajern Mynih për herë të parë para 14 ditësh. Atje ai shikoi fillestarët e hershëm në kontingjent. Katër ditë më vonë, në Mynih filloi trajnimi i ekipit. Që atëherë, trajneri i ka stërvitur grupin shtatë herë.
Në fund të kampit të shkurtër stërvitor në Tegernse (22 deri më 24 korrik) pati një miqësore modeste klubit të Rotak-Egern (14:1), ku janë evidentuar edhe lojtarët që kanë lënë përshtypje pozitive te belgu. Pjesa më e dukshme e përgatitjes deri më tani ishte Matis Tel.
TIL – Talenti nga Franca nuk u lejua të shkonte në Lojërat Olimpike të Parisit, në vend që të trishtohej për këtë, po tregon version më të mirë te Bajerni. Në fitoren 14-1 kundër Rotak-Egern, ai ishte golashënuesi më i mirë me tre gola. Duket se efekti “Kompani” e ka ndihmuar shumë atë. Gjatë stërvitjes, trajneri shpesh e merr mënjanë sulmuesin e tij dhe i shpjegon rrugët dhe pozicionin në frëngjisht. Ai gjithmonë e inkurajon. Deri tani po shpërblehet! Për shkak se Til (erdhi nga Stade Renes në 2022 për 25 milionë euro) paraqitet fuqishëm, bordi nuk do të sjellin një pasardhës për rezervën e numrit “9”. Matis mund të mbulojë lehtësisht edhe anësorin nga krahët respektiv.
NESTORI IRANKUNDA – Australiani (erdhi nga Adelaide Junajtid për 750,000 euro) filloi në Mynih për Bajern II, por te Tegernse, talenti tregoi se ai mund të luajë pa problem me profesionistët. Në testin Rotak, Irankunda luajti mirë në pjesën e dytë dhe shënoi 10- 1. Veçanërisht e dukshme, driblimit dhe shpejtësia e Nestorit. Kompani gjithashtu flet shumë me të. Në testin e fundit, ai i dha Irankundas shumë udhëzime nga jashtë.
SASHA BOEI – Pas transferimit dimëror për 30 milionë euro nga Gallatasaraji, francezi dështoi plotësisht. Ai luajti vetëm dy ndeshje dhe dy herë lëndoi kofshën e majtë. Përkushtim dhe grimat e 23-vjeçarit ka spikatur në “lupën” e Kompanisë. Edhe pse futbollisti në fjalë ka bërë mirë gjatë këtyre ditëve në urdhrat e Vinsent, nga fundi i muajit “kartat” do të riorganizohen sërish me trajnerin e ri, aty ku grupi do të plotësohet me emra të rëndë si Herri Kejn, Xhama Musiala, Leroi Sane, Zhoao Palhinja, Joshua Kimish, apo Tomas Myler.
PANORAMASPORT.AL
