Antonio Conte pranon se Napoli po lufton për titullin e kampionit në Itali këtë sezon, sidomos pas fitores në “San Siro” me rezultat 2-0. “Partenopei” vazhduan ecurinë e tyre të jashtëzakonshme të formës, duke fituar nëntë nga 10 ndeshjet e fundit.
Më e rëndësishmja, ata pësuan vetëm dy gola në atë seri dhe shënuan 23 mes Serie A dhe Coppa Italia. Duke marrë parasysh se ata janë larguar në krye të tabelës dhe kanë përfitimin e shtuar të mungesës së angazhimeve evropiane në mesjavë, Conte pranon se Napoli nuk do të fshihet nga ajo se lufton për titull.
“Askush nuk fshihet këtu. Thjesht shikojmë realisht atë që po bëjmë këtë vit, e cila pas 10 raundeve është për mendimin tim e pabesueshme dhe as ëndrra më e çmendur nuk mund ta kishte parë këtë, “ tha Conte për DAZN.
“Duhet ta marrim ndeshjet një nga një. E di që emri dhe karriera ime do të thotë që më jepet përgjegjësi që në fillim sepse kam arritur disa gjëra. Çdo klub që fillon sezonin e di objektivin e tij, ne e dimë tonën dhe ai ishte rikthimi në Evropë, sepse Napoli ishte jashtë për herë të parë në 14 vite. Nëse mund të hyjmë nga dera e pasme, është edhe më mirë, por e dimë gjithashtu se pesë apo gjashtë klube kanë të njëjtat ambicie”, shtoi Conte në fund.
