Ivan Gvozdenovic uron Partizanin për fitoren e arritur, por sigurisht ka edhe keqardhje që ekipi i tij nuk mori pikë, pasi rastet i kishte.
“Patjetër që jam i mërzitur, jo vetëm për mungesat se kjo ishte situatë përpara dhe nuk mund të qahemi. Mund të kapnim një rezultat më të mirë. Nga momenti kur Partizani shënoi gol, patëm rast me Rashicën dhe Tajon. Dua të uroj Partizanin për fitoren.”
Mungesa e titullarëve: “Pa katër ose pesë titullarë me Partizanin është e vështirë. Kam besim dhe nga lojtarët e pankinës që sot bënë mirë, me titullarët e sigurt që do t’ia bënim më të vështirë sot Partizanit. Sot çunat bënë mirë, jemi të mërzitur vetëm nga rezultati. Me pak fat mund të shënonim një gol dhe të kapnim barazim, në 5 minutat e fundit ishim të hapur. Të mërzitur jemi por do të vazhdojmë.
Çuçka sot ishte hera e parë nga fillimi, Tajo njësoj. Ato bënë mirë, por ndoshta ishte maksimumi nga ata. Nuk kanë minuta dhe ndoshta ky ishte maksimumi për ne. Krijuam raste, 3 herë Rashica, Tajo dhe një herë Çuçka në pjesën e dytë”, u shpreh Gvozdenovic”.
