Mungonte prej një muaji, por objektivi i tij ishte pikërisht kjo ndeshje. Françesko Açerbi u rikthye sërish vendimtar edhe një herë tjetër për të anuluar nga fusha e lojës Romelu Lukakun.
Mbrojtësi veteran i Interit nuk zhgënjeu në duelin me ish-sulmuesin duke e markuar në çdo cep të fushës për të mos i dhënë shansin që të kontrollonte topin dhe të nisej në kundërsulm. Ai u rikthye menjëherë në formë pas 3 javësh me probleme në kofshën e majtë.
Më 17 mars të këtij viti ai u përfshi në një skandal për një pretendim të Zhesusit si ofendim racist. Në fund u dëgjua nga komisioni i disiplinës dhe për mungesë të provave nuk u dënua. Interi duket se ka gjetur soliditetin në mbrojtje dhe ka bërë mirë në javët e fundit.
Sigurisht që rikthimi i kolosit Açerbi do të ndihmojë akoma më shumë Simone Inzagin për të vazhduar punën i qetë drejt objektivave madhorë për të fituar titullin kampion sërish dhe për të bërë sa më shumë rrugë në Ligën e Kampionëve.
PANORAMASPORT.AL
