“Duhej ta mbyllnim më herët ndeshjen. E përfunduam keq, pas topit të humbur nga Turam u krijua pak nervozizëm, por zhvilluam një ndeshje të mirë për 70-80 minuta. Mirë është kështu, jemi të kënaqur dhe ecim përpara”.
Pas fitores së dytë në tri ndeshje që e ngjit Juventusin në vendin e katërt, Igor Tudor qëndron me këmbë në tokë dhe përqendrohet te fundi i vështirë i ndeshjes për bardhezinjtë.
ZËVENDËSIMET- “Zëvendësimet nuk më pëlqyen. E thashë edhe në dhomën e zhveshjes, me pesë zëvendësime gjysma e skuadrës ndryshon dhe duhet të jesh i gatshëm. I kuptoj të gjitha, sepse kam qenë edhe vetë futbollist, por duhet të rritemi shpejt. Gjithsesi, nuk duhet të jemi të pakënaqur, duhet ta marrim si një mësim”
KOPMEINERS- “Kopmeiners kishte nevojë për një gol, bëri një ndeshje të bukur, e shoh ndryshe fizikisht dhe edhe nga ana mendore, është në rrugën e duhur. Vlahoviç bëri një ndeshje sakrifice, i mungoi goli. Zakonisht e shënon, por këtë herë fatkeqësisht nuk ndodhi”
GOL ALLA MOTA- “Nuk më pëlqejnë krahasimet me askënd, sidomos me trajnerë që kanë qenë këtu, sepse nuk më duket e sjellshme. Por ishte një gol shumë i bukur, kjo është e vërtetë. Kemi bërë disa seanca stërvitore për të zhvilluar lojën nga krahët, duke ndihmuar lojtarët të kuptohen më mirë”
SITUATA- “Nga ana psikologjike ishte një moment i keq, ndërsa fizikisht varet nga kërkesat e një trajneri. Për futbollin që më pëlqen mua, me ritëm, nevojitet një përgatitje fizike e veçantë, pastaj në futboll mund të fitosh në shumë mënyra, secili zgjedh të vetën”.
E ARDHMJA- “Përgjigjem gjithmonë njësoj. Jam mirë, jam i lumtur që drejtoj Juventusin dhe po përgatitem për stërvitjen e radhës”, tha ndër të tjera trajneri bardhezi Igor Tudor pas ndeshjes.
PANORAMASPORT.AL
